card with cake

Ads

Complete the card online

↻ find a wish Enter content:

My liewe Seun Keegan...

ŉ Nuwe emosie het in my wakker geword, die eerste keer wat ek jou hartjie hoor klop het. Dit is ŉ emosie wat ek nie voorheen gehad het nie, maar wat saam met jou groter en sterker gegroei het. Nou is dit so deel van my dat ek nie kan onthou hoe my lewe daarsonder was nie.

Verwondering. Blydskap. Vrede. Verantwoordelikheid. Vrees. Nederigheid. Verbasing. Alles in een.

Ek sou my lewe vir joune ruil. En sal nog steeds.

Al die ouerskap boeke, al die toerusting en al die goedbedoelde raad was ewe skielik nie genoeg nie. Jy is jy. Hulle kon nog nie oor jou skryf in enige boek nie, want jy was nog nooit gewees nie. Op die ou end het ons geleer dat ons eie raad die beste raad is, al was ons soms raadop.

Maar op ŉ wonderbaarlike manier word kinders vanself groot en as jy weer sien staan daar ŉ mens voor jou.

Ek wil hê jy moet weet, ek staan elke dag stomgeslaan oor jou. Ek is nog steeds in verwondering.

God het ŉ unieke vlammetjie in jou hart aan die brand gesteek. Ek bid dat jy sal ontdek waarvoor daardie vlammetjie is en hom aan die brand sal hou.

As jy eendag terugkyk op jou lewe saam met my, hoop ek dat jy sal kan sê ek was altyd daar. In jou eerste oomblikke, jou beste oomblikke en jou slegste oomblikke. Ek weet jy sal nie alles onthou wat ek sê nie, maar wel hoe ek jou laat voel het. Ek bid dat daar meer goeie as slegte gevoelens sal wees.

Vir jou veg ek op my knieë. Vir beskerming en gesondheid. Vir guns. Vir die regte vriende, die regte juffrou,vir Jesus…vir ŉ koningkrykslewe…

Mag jy sterk staan my liewe Seun. Mag jy stroomop swem as die stroom verkeerde rigting gaan. Mag jy altyd jou kop hoog hou sodat jou kroon nie afgly nie. Mag die vreugde van God jou krag wees.

Moet nooit ophou om mooi dinge raak te sien nie. Glimlag altyd vir jouself in die spieël. Dans en sing totdat jy hardop lag. Moenie dat enige iemand of enige iets jou vrede steel nie. Praat heeltyd met God.

Daar gaan ŉ dag kom wat jy gaan huil oor die lewe. Onthou dan net. Ons is in die wêreld maar nie van die wêreld nie. Jesus het gesê ons sal dit moeilik hê. Maar hou moed, Hy het die wêreld klaar oorwin. Bly net aan Sy kant Altyd.

Daar gaan mense wees wat jou gaan teleurstel, afbreek en seermaak. Onthou, liefde is ŉ keuse. Vergewe, vergewe en vergewe. Dit maak jou vry.

Maar vir eers is jy die klein mensie wat God vir my gegee het om groot te maak sodat jy die mens kan wees wat Hy bedoel het jy moet wees. Ek sal elke oomblik van hierdie voorreg koester.

Moet dit nie vergeet nie…ek is onbeskryflik baie lief vir jou!

Baie geluk met jou verjaarsdag

Birthday

Tagi: card with cake

Save card

ADBLOCK has caused an error in generating the card. Please disable the ad-blocking program and refresh the page. Thanks to advertisements, you can create cards for free. Thank you.

Similar cards

Inspirations

Today, I wish all your dreams come true as you walk on your path. Count

Statistics Created today: 4 Created yesterday: 11 Created 7 days: 63 Created 30 days: 419 All ecards: 359199

Terms Contact Privacy policy